今早由九點開始個電話已響個不停，好多都係冇來電，尋晚五點至瞓，所以我所有電話都冇聽到，之後我索性熄鬼咗個電話聆聲；瞓到十一點零起身，有成八九個電話搵我，大部份係銀行打比我，肯定係叫我借錢。

尋日太多嘢搞，今日黎師傅叫我淨係搞返自己站算數，今日我變咗得閒好多。原本想做埋份WIT，睇怕都要返DAY至有心機做埋佢。

聽日又要去TUC/SHD，都唔明ITRC搞咁多轉做乜，我去都去到麻木咗，遊覽車廠係option，食自助餐至係主菜，我聽日唔去食喇，喺SHD影完相就走。下次ITRC開會我一定反對搞咁多轉相同既活動，死人孔慶翔仲話想搞十次，成日自把自為，搞到個個怨聲載道，我肯定係其中一個。條友仔成日想擦老細鞋就搵我地笨，ITRC我都係做埋今年就收山，做咁多嘢到頭來咪著數咗人地！